“Danışan blog” rubrikasının növbəti buraxılışını təqdim edirik. Bu dəfəki mövzumuz "Faydalı rəyvermə" haqqında olacaq.
“Feedback”- Azərbaycan dilində rəhbər rəyi, işçi ilə əks-əlaqə yaradılması kimi ifadə oluna bilər. Bu, rəyi verən və rəyi qəbul edən arasında məlumat axışıdır. Uğurlu rəhbərlərin ən önəmli xüsusiyyətlərindən biri məhz tabeliyindəki işçilərə konstruktiv və açıq “feedback” vermək bacarığıdır. “Feedback”in effektiv olması üçün o mütəmadi, davamlı, rəsmi və qeyri-rəsmi formalarda olmalıdır. “Feedback”in şirkətlər üçün əhəmiyyətini aşağıdakı kimi qeyd edə bilərik.
• Məhsuldarlığı artırır. “Feedback” işçilərə inkişaf boşluqlarını göstərdiyi üçün onlar uzun müddətdə nələri inkişaf etdirməli olduqlarını bilirlər.
• İş yerində sıx münasibətlər yaradır. Davamlı “feedback” görüşləri rəhbər və işçilər arasında əlaqələri möhkəmləndirir və qarşılıqlı inam yaradır.
• İşçilərin işə bağlılığını artırır. Düzgün “feedback” işçilərdə rəhbərlərinin onların inkişafının qayğısına qaldığına dair inam yaradır, bu onları daha motivasiya ilə işləməyə sövq edir.
• İllik qiymətləndirmə zamanı gözlənilməyən reaksiyaların qarşısını alır. İşçilər mütəmadi “feedback” aldıqları zaman onlar özlərinin cari vəziyyətləri barədə, nə qədər yaxşı işlədikləri barədə məlumatlı olurlar. Beləcə il sonu qiymətləndirmə aparıldığı zaman nəyə əsasən qiymətləndirildiklərini bilirlər.
Bəs düzgün feedback - rəyi necə vermək lazımdır? Rəyvermə zamanı "COIN" modeli nədir? Bu sualların cavabını videomuzda tapa bilərsiniz.
Hər birinizə xoş seyirlər arzu edirik.
Mənbə
HR-AZ.com
HR-AZ.com portalının paylaşımlarından xəbərdar olmaq üçün rəsmi Linkedin və Telegram səhifələrimizi izləyə bilərsiniz.
