Bir çox İnsan Resursları mütəxəssisləri və mühasiblar işçilərin iş stajlarını hesablayarkən çətinlik çəkdiklərini və buna uzun zaman sərf etdiklərindən şikayətlənirlər.
HR-AZ.com olaraq, Excelin bir sıra funksiyalarından istifadə edərək (Datedif, if) stajın hesablanması üçün 3 müxtəlif hesablama cədvəli hazırlayaraq bir faylda Sizlərə təqdim edirik.
Yükləmək üçün link:
staj-kalkulyatoru.xlsx [84,14 Kb] (yüklənib: 10491)
Faylda qeyd olunan 1 saylı kalkulyator iki tarix arasındakı müddəti hesablamağa yardımçı olacaq. Burada başlama və bitmə tarixlərini qeyd etməniz kifayətdir. Cədvəl sizə nəticəni 2 formada təqdim edəcək.
2 saylı kalkulyatorda isə, işçinin soyadını, adını və ata adını, işlədiyi müəssisə, işə başlama və işdən çıxma tarixlərini qeyd edirsiniz. Cədvəl müvafiq olaraq işlədiyi ümumi gün sayını, eyni zamanda il, ay və gün olaraq stajı hesablayıb təqdim edir. Cədvəlin sonunda bütün iş yerləri üzrə ümumi iş stajı qeyd olunur.
3 saylı kalkulyatordan isə, işçinin yaşını və ya son iş yerindən, son vəzifə dəyişikliyindən bugünədək olan müddəti hesablamaq üçün istifadə etmək olar.
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
HR-AZ.com
