Özbəkistanda əmək kitabçalarından imtina edilir, onun yerinə elektron baza yaradılacaq.
HR-AZ.com mənbənin yerli bürosuna xəbər verir ki, bu məlumatı jurnalistlərə Özbəkistan maliyyə nazirinin müavini Dilşod Sultonov deyib. Bildirib ki, dəyişikliklər ilk növbədə əmək fəaliyyətinə yeni başlayan şəxslərə şamil ediləcək. 2019-cu ildə işçilərə əmək kitabçaları açılmayacaq və işçi haqqında bütün göstəricilər elektron bazaya yerləşdiriləcək. Bazada işçinin bütün əmək fəaliyyəti və gəliri öz əksini tapacaq. Lazımi informasiya almaq üçün əmək kitabçasına şəxsin pasport göstəriciləri də əlavə olunacaq.
Dilşod Sultonov vurğulayıb ki, hazırda Gömrük idarəsi elektron bazanın proqram əsasını hazırlayır. Proqramda əməkhaqqının həcmi, tutulan verginin miqdarı, alınacaq əməkhaqqının hansı məbləğdə nağd verilməsi və plastik karta yüklənməsi haqqında məlumatlar da olacaq.
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
HR-AZ.com
