Xəyallarınızın şirkətində işləyərkən belə bəzən bazar ertəsi günlərinin təqvimdən silinməsini istəyə bilərsiniz. “Psychologies.ru” həftəni pis əhval-ruhiyyə ilə başlamamaq üçün 10 sadə ayini tövsiyə edir:
1. Bazar gününü özünüz üçün həftənin ilk günü elan edin
Əvvəla, bazar gününü ən kədərli gün hesab etməyi tərgidin. Məhz onunla yeni həftənin geri sayımına başlayın: Gecikmiş səhər yeməyinə gedin, kənd təsərrüfatı məhsulları satılan bazarı gəzin və ya köhnə dostunuzla görüşün. Rahatlayın!
2. Bazar ertəsi axşamına maraqlı bir hadisə planlaşdırın
Qəribə səslənir. Lakin işə yarayır. Əgər maraqlı bir tədbir planlaşdırsanız, axşamı səbirsizliklə gözləyəcəksiniz. Dostlarla stolüstü oyunlar, kinoteatrda gecə seansı və ya pizza yemək üçün sevimli kafenizə getmək və s. faydalı olar. Ən xoşladığınız şeyləri həftəsonuna saxlamayın. Belə qərarlar həyata rəng qatır.
3. Görüləcək işlər siyahısını qısaldın və prioritetləri müəyyən edin
Çox vaxt bazar ertəsi sizə uzun gün kimi gəlir, çünki bu gün üçün çox şey planlaşdırırsınız. Təkcə təxirəsalınmaz işlərlə məşğul olmaq deyil, həm də yeni layihələr üzərində çalışmaq istəyirsiniz. Görüləcək işlər gündəlikdə bir neçə səhifə yer tutur və nahara vaxtınız qalmır.
Prioritetləri təyin edin. Həftənin əvvəlində yalnız təcili vəzifələri yerinə yetirməyi fikrinizdə tutun və savadlı planlaşdırmaya daha çox vaxt ayırın.
4. Geyiminizi əvvəlcədən seçin
Paltarınızı əvvəlcədən hazırlayın, yuxudan bir saat əvvəl oyanın, geyiminizi ütüləyin, ətir vurun. Gözəl görünüş və bununla bağlı xoş sözlər ən yaxşı motivatordur. Üstəlik, gözəl göründüyünü bilmək insanın gərginliyini əhəmiyyətli dərəcədə azaldır.
5. Yeni “podcast”ları dinləyin
Həqiqətən, bəyəndiyiniz podkastları tapın və işə gedərkən qulaq asmaq üçün mobil tetefonunuza yükləyin. Həftəsonunu dincəlməyə həsr edin və yeni həftəyə yeni biliklərlə başlayın. Öyrəndiklərinizi növbəti 24 saat ərzində dərhal həyata keçirməyə başlaya bilərsiniz.
6. Günlük iki litr su normanızı fərqli edin
Hamımız bilirik ki, beyinin aktiv fəaliyyəti üçün gündə ən azı altı stəkan təmiz su içilməlidir. Lakin bəzən bu, bezdirici olur və faydalı vərdişi ləzzətli etmək istəyirsiniz. Buna görə suya limon və ya xiyar, yaxud da portağal dilimi, yaxud da nanə yarpaqları əlavə edin. Beləcə işdə özünüzü daha gümrah hiss edəcəksiniz.
7. Yeni bir qab hazırlayın
Kulinariya böyük şəhərlərin sakinlərinə terapevtik təsir göstərən bir növ meditasiyadır. İnternetdə yeni reseptlər axtarın. Dondurulmuş qidalar, əlbəttə, daha praktikdir, ancaq əl qabiliyyətinizi də yoxlamalısınız.
8. Şəhərdəki ən yaxşı fitness dərslərini sifariş edin
Hələ idmanla məşğul olmursunuzsa, elə indi bunu etmək vaxtıdır. Xoşunuza gələn bir şey tapın. Məsələn, bazar ertəsi pilates sizə fövqəladə bir enerji verəcək, həftənin sonundakı yoqa məşqləri isə itirilmiş gücü bərpa etməyə və rahatlamağa kömək edəcək.
9. Erkən yatın
Saat 21:30 radələrində yataqda olmağı bir qayda halına gətirin. Bundan əvvəl sakitləşdirici vanna qəbul edin, bir fincan bitki çayı için və mobil cihazları səssiz rejimə qoyun. Yatmazdan əvvəl işlərinizi planlaşdırın və ya kitab oxuyun.
10. Təzə yataq dəsti salın
Təravət ətrindən gözəl nə ola bilər? Bu, daha sürətli yuxuya getməyinizə və əla əhvalla oyanmağınıza səbəb olacaq.
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
Finco.az
