Xəbər verdiyimiz kimi, əmək münasibətlərinə məsul olan müvafiq dövlət qurumları tərəfindən Əmək Məcəlləsinin 150-dən çox maddəsinə redaktə, düzəliş və əlavə tipli dəyişikliklər barədə layihə hazırlanıb. HR-AZ.com xəbər verir ki, Mks.az saytının ekspertləri dəyişikliklər haqqında və əmək haqqının ödənilməsi ilə bağlı məsələyə aydınlıq gətirib. Əmək Məcəlləsinin "Əmək haqqının verilməsi müddətləri maddəsinə" adlı 172-ci maddəsinə aşağıdakı dəyişiklik təklif edilir:
172-ci maddənin 1-ci hissəsinin birinci cümləsi aşağıdakı redaksiyada verilsin:
Aylıq əmək haqqı işçilərə iki hissəyə bölünərək (avans və qalan hissəsi məbləğlərində) ayda iki dəfə bərabər vaxt fasiləsi ilə verilməlidir. Dəyişiklikdə məqsəd aylıq əmək haqqının verilməsi müddəti məsələsini konkretləşdirməkdir. Qüvvədə olan Əmək Məcəlləsində əmək haqqının ayda 2 dəfə verilməsi tövsiyə xaraktelirdir. Maddədə qeyd edilir ki, aylıq əmək haqqı işçilərə, bir qayda olaraq, iki hissəyə bölünərək (avans olaraq və qalan hissəsi məbləğində) on altı gündən çox olmayan vaxt fasiləsi ilə ayda iki dəfə verilməlidir. Əmək Məcəlləsinin 172-ci maddəsində əmək haqqının ayda ən azı bir dəfə verilməsi isə artıq tələbdir: Əmək haqqı illik dövr üçün hesablanan işçilərə isə ayda bir dəfədən az olmayan müddətdə verilməlidir.
Yeni təklif olunan dəyişiklikdə isə əmək haqqının ayda iki dəfə tövsiyyə yox tələb formasındadır ki, aylıq əmək haqqı işçilərə iki hissəyə bölünərək (avans və qalan hissəsi məbləğlərində) ayda iki dəfə bərabər vaxt fasiləsi ilə verilməlidir. Göründüyü kimi, işçiyə əmək haqqının verilməsi zamanı ay ərzində iş günlərin sayı yox, təqvim günləri əsas tutulur.
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
MKS.az
