HR-AZ.com olaraq daha bir filmi sizlərə təqdim edirik: Qronhölm metodu (El Método Gronholm), 2005
Bir müddət sizlərə film paylaşmamağımızın konpensasiyası olaraq maraqla izləyəcəyiniz və bir çox nəticə çıxaracağınız filmi sizlərə təqdim edirik: El Método Gronholm və ya Qronhölm metodu. Filmdə hadisələr böyük bir ispan şirkətin ofisində cərəyan edir. İzləyici üçün naməlum olan bir vakansiya uğrunda eyni anda 7 nəfər mübarizə aparır. Şirkət nümayəndəsi namizədlərə yalnız birinin seçiləcəyi barədə məlumat verərək, onları eyni otaqda bağlı halda saxlayır. Daha sonra isə, namizədlər ardıcıl olaraq bir neçə tapşırıqlar yerinə yetirməli olurlar. Tapşırıqlar əsnasında namizədlər həm bir-biri haqqında, həm də özləri haqqında bilmədikləri bir çox məqamları öyrənmiş olurlar. Namizədlər özləri qərar verməlidir, artıq olan kimdir? Necə deyərlər, kim daha zəif bənddir və vakansiyaya uyğun deyil?
Seçimlər çox çətin psixoloji bir sınağa çevrilir. Bu sınaqdan kim qalib çıxacaq? Bütün bunları bilməniz üçün, bu filmi izləməyinizi altından qalın bir xətt çəkərək məsləhət görürük.
HR-AZ.com portalının paylaşımlarından xəbərdar olmaq üçün rəsmi Linkedin və Telegram səhifələrimizi izləyə bilərsiniz.
