200 ildən sonra qadınlar kişilərlə eyni əmək haqqı alacaqlar

30 dekabr, 2018 0 49


200 ildən sonra qadınlar kişilərlə eyni əmək haqqı alacaqlar


Dünyada iqtisadi gender bərabərsizliyinin aradan qaldırılması yalnız 202 ildən sonra mümkün olacaqdır. Həyatın digər sahələrində, o cümlədən, təhsil və səhiyyə xidmətlərinə çıxış sahələri də daxil olmaqla, bərabərliyə nail olmaq üçün təxminən 108 il keçməlidir. HR-AZ.com xəbər verir ki, bu məlumatlar Dünya İqtisadi Forumunun hesabatında dərc olunub.

Hesabata əsasən, 2018-ci ildə dünyada gender bərabərliyi 68% təşkil edir, bu isə keçən ilə nisbətən vəziyyətin cəmi 0,1% yaxşılaşması deməkdir. Bu indeks 149 ölkədə qadınların əsas meyarlara görə vəziyyətini nəzərə alaraq qəbul edilmişdir. Bu kimi meyarlara iqtisadi və siyasi hüquqlar, təhsil və tibbin əlçatanlığı aiddir.

Ən böyük boşluq dövlət idarəsi sahəsində müşahidə olunur: dünyada nazirlərin yalnız 18% və deputatların 24% qadınlardır. Dünyanın 44 ölkəsində qadın əhalisinin dörddə bir hissəsi isə savadsızdırlar. Qadınların iqtisadi vəziyyəti də yaxşı deyil. Ölkələrin 40% -də qadınlara kişilərlə bərabər maliyyə xidmətləri göstərilə bilməz. Bundan başqa qeyd etmək lazımdır ki, ənənəvi “kişi” peşələrində, xüsusilə İT və Sİ sahəsində qadınlar üçün ayrılmış iş yerlərinin sayı üç dəfə azdır.

Gender bərabərliyinə görə, artıq 10 il ərzində birinci sırada İslandiya durur. Liderlər sırasına, həmçinin, Norveç, İsveç və Finlandiya da daxildir. Skandinaviya ölkələrindən başqa, bu onluqda Nikaraqua, Ruanda və Namibiya yer ala bilmişdir. Gender bərabərsizliyinin ən parlaq nümunəsi kimi isə Yaxın Şərq və Şimali Afrika dövlətləri əsas götürülür.



HR-AZ.com portalının paylaşımlarından xəbərdar olmaq üçün rəsmi Linkedin səhifəsini izləyə bilərsiniz:

Mənbə:
Banker.az
Oxşar məqalələr
Şərhlər
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
yenilə, əgər kod görünmürsə