Varlı insanlar nə üçün sadə geyinirlər?

09 yanvar, 2019 0 1 011


Varlı insanlar nə üçün sadə geyinirlər?


İstədiyiniz hər şeyi ala biləcək qədər çox pulunuz olsa, nə edəcəyinizi heç düşünmüsünüzmü? Əgər milyonlarla, hətta milyardlarla dollarınız olsaydı, ehtimal ki, ömrünüzün axırına qədər işləmək məcburiyyətində olmazdınız. Ancaq bu qədər varlı olmaq üçün də çox işləmək lazımdır. İşin qəribə tərəfi odur ki, həqiqətən bu dərəcədə varlı olan insanlara uzaqdan tamaşa etdikdə heç də zəngin görünmürlər, əslində isə varlı görünmək üçün xüsusi səy göstərən insanlar o qədər də varlı olmurlar. Bəs, nə üçün milyonçular heç də zəngin görünmürlər?

Qərar verməklə məşğul olub vaxt itirməmək üçün

Varlı insanlar nə üçün sadə geyinirlər?


Qərar verməyə çalışarkən yorulduğunuzu heç hiss etmisinizmi? Ya da seçim müxtəlifliyi içərisindən birini seçməyə çalışarkən düzgün qərar vermə bacarığınızı itirib nə edəcəyinizi bilmədiyiniz anlar olubmu? Araşdırmalar göstərir ki, həqiqətən də qərar verməyə çalışarkən yorula, bu səbəbdən də səhv qərarlar verə bilərik. Bu mövzuya çıxışlarının birində toxunan “Zara” şirkətinin qurucusu Amancio Ortegabelə demişdi: “Mənim müntəzəm olaraq bəyaz köynək, mavi jilet və boz şalvar geyinməyim diqqətinizi çəkmiş olar. Əslində bunun səbəbi odur ki, mən seçimləri azaltmağa çalışıram. Nə yediyim və ya nə geyindiyim haqqında düşünərək vaxt itirmək istəmirəm, çünki məhdud zamanım və qəbul etməli olduğum daha mühüm qərarlarım var.”

Vaxt qazanmaq üçün


Varlı insanlar nə üçün sadə geyinirlər?


Əgər dünyadakı ən populyar sosial media platforması siz qurmuş olsaydınız, yəqin ki, çoxdan milyonçu olmuşdunuz. Bəli, söhbət məhz Mark Zuckerberg – dən gedir. O, çox da uğurlu olmayan bir universitet tələbəsi ikən qurduğu sosial media platforması sayəsində bir anda milyarder iş adamına çevrildi. Hazırda Zuckerberg – in sərvəti çoxdan 70 milyard dolları keçib. Ancaq güman ki, onu küçədə görsəniz buna inana bilməzsiniz, çünki o, heç də 70 milyon dollara sahib bir insan kimi geyinmir.

Əslində o, qarderobunun foto şəklini Facebook – da paylaşmışdı. Şəkildə təkcə çoxlu boz rəngli futbolka görmək olurdu. Nə geyindiyiniz haqqında narahat olmamaq sizə düşündüyünüzdən daha çox vaxt qazandıra bilər. Bir milyarder üçün isə vaxt pul deməkdir. Araşdırmalara görə, insanın təkcə 33 dəst paltarı olmalıdır, bununla da o, nə geyinəcəyi haqqında narahatlıq duymadan vaxtını daha məhsuldar işlərə sərf edə bilər.

Yaddaşlara həkk olunan bir imic yaratmaq üçün


Varlı insanlar nə üçün sadə geyinirlər?


Stiv Cobs dünyadakı ən populyar və ən dəyərli texnologiya şirkətlərindən birinin qurucusudur. “Apple” şirkətini bu qədər məşhurlaşdıran amillər arasında keyfiyyətli məhsullar istehsal etməsi və təqdim etdiyi müştəri xidmətləri qədər Stiv Cobsun da olduğunu söyləsək, bizcə, səhv etmiş sayılmarıq.


Cobsun özünəməxsus bir tərzi var idi. Həmişə qara vodolaska və mavi cins şalvar geyinən Cobsu insanlar bu paltarlarla tanıyırdılar. Tanınması asan olan bu tərzi yamsılamaq da bahalı deyildi. Öz tərzini yaratmaq təkcə məşhur müğənnilər və modellər üçün deyil, eyni zamanda milyarderlər üçün də vacib məsələdir.

Pulunuzu xərcləmək üçün daha yaxşı seçimləriniz var


Varlı insanlar nə üçün sadə geyinirlər?


Bugünkü milyarderlərin çoxu doğulduqda bu qədər varlı deyildilər. Hər nə qədər bəziləri varlı ailələrdən gəlmiş olsalar da, heç biri hazırkı mövqelərini pullarını geyim əşyalarına xərcləyərək əldə etməyiblər. Aparılan araşdırmalara görə, orta gəlirli bir ailə illik qazancının təqribən 4% - ni geyimə xərcləyir. İndi isə Bill Qeyts, Mark Zuckerberg və ya Stiv Cobs kimi şəxslərin illik qazanclarının 4% - ni geyimə sərf etdiyini düşünün. Bu isə milyon dollarlar deməkdir. Bir milyonçunun varlı olduqdan sonra belə qalmasının səbəblərindən biri də qazandığı pulu hara xərcləyəcəyini bilməsidir. Burada hara dedikdə isə təbii ki, özünü və ya işini təkmilləşdirəcək və ya ona daha çox pul qazandıracaq seçimlər nəzərdə tutulur.











HR-AZ.com portalının paylaşımlarından xəbərdar olmaq üçün rəsmi Linkedin Telegram səhifələrimizi izləyə bilərsiniz.

Mənbə:
Banco.az
Oxşar məqalələr
Şərhlər
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
yenilə, əgər kod görünmürsə