Azərbaycan Dövlət Neft Şirkətinə (SOCAR) yeni vitse-prezident təyin edilib.
Məlumata görə, neftin, qazın nəqli və qaz təsərrüfatı məsələləri üzrə vitse-prezident Rəhman Qurbanov vəzifəsindən azad olunub.
SOCAR-ın İctimaiyyətlə əlaqərlə və tədbirlərin təşkili idarəsinin rəis müavini İbrahim Əhmədov faktı təsdiqləyib:
“Rəhman Qurbanov dəyərli qocaman neftçi kimi təqaüdə çıxması ilə əlaqədar vəzifəsindən azad edilib. Onun yerinə Daşqın İsgəndərov təyin olunub”.
Prezident İlham Əliyevin müvafiq sərəncamına əsasən, “Azneft” İstehsalat Birliyinin Baş direktoru Daşqın İskəndərov SOCAR-ın neftin, qazın nəqli və qaz təsərrüfatı məsələləri üzrə vitse-prezidenti təyin olunub.
D.İskəndərov göstərilən böyük etimada görə, Prezidentə dərin minnətdarlığını bildirib.
“Bu böyük etimada görə, möhtərəm Prezidentimizə Birliyimizin kollektivi adından dərin minnətdarlığımızı bildirir, Daşqın İskəndərova yeni vəzifəsində daha böyük uğurlar arzulayırıq”,-“Azneft”dən bildiriblər.
