HR-AZ.com olaraq, SHRM-CP/SCP imtahanına hazırlaşan izləyicilərimizin çoxsaylı istəklərinə əsasən, imtahan ədəbiyyatlarından silsilə məlumatları sizlərlə paylaşacağıq.
İlk mövzumuz 1-ci kitabın (İR səriştəlikləri / HR Competencies) 1-ci bölməsi (Davranış səriştəlikləri/ Behavioral competencies) barədə olacaqdır.
Kitabın bu bölməsində göstərilən 8 davranış səriştəliyi iş yerində daha effektiv fəaliyyət göstərmək üçün HR mütəxəssislərindən tələb olunan davranış və xüsusiyyətləri təsvir edir. Bu davranış səriştəlikləri 3 kateqoriyada qruplaşdırılır: Liderlik (Leadership), şəxslərarası münasibətlər (İnterpersonal) və biznes(business).
Liderlik kateqoriyasına 2 davranış səriştəliyi aiddir:
1. Liderlik və istiqamətləndirmə (Leadership and navigation)– Şirkəti istiqamətləndirmək və HR hədəflərinə çatmaq, HR üçün müəssisənin strategiyası və mədəniyyəti ilə uyğunlaşan vizyon və missiya yaratmaq, təşkilati dəyişikliyi təşviq etmək və öncüllük etmək, HR təşəbbüslərinin reallaşdırılmasını və icrasını təmin etmək, HR-ın biznes tərəfdaş kimi rolunu artırmaq üçün lazım olan bilik, bacarıq və davranşları əhatə edir.
2. Etik davranış (Ethical practice) – Şəxsi və peşəkar bütövlüyü yüksək səviyyədə saxlamaq, şirkət daxilində müəssisənin baza dəyərlərini, birliyi və etibarlılığı təbliğ edən agent kimi çıxış etmək üçün lazım olan bilik, bacarıq və davranışları əhatə edir.
Şəxslərarası münasibətlər kateqoriyasına 3 davranış səriştəliyi aiddiir:
1. Münasibətlərin idarəolunması (Relationship management) – Şirkət daxilində və xaricində peşəkar əlaqələr qurmaq və bu əlaqələri qorumaq, effektiv komanda üzvü kimi işləmək, konfliktləri şirkətin maraqlarına uyğun idarə etmək üçün lazım olan bilik, bacarıq və davranışları əhatə edir.
2. Kommunikasiya (Communication) - məlumatı yığcam və ətraflı çatdırmaq, digərlərinin şikayətlərini dinləmək və yönləndirmək, məlumatın bir struktur bölmədən və ya təşkilati vahiddən digərinə ötürmək üçün lazım olan bilik, bacarıq və davranışları əhatə edir.
3. Qlobal və mədəni effektivlik (Global and cultural effectiveness) – bütün tərəflərin perspektivlərini qiymətləndirmək, qlobal kontekstdə digərləri ilə əlaqədə olmaq, iş yerində müxtəlifliyi və birliyi təmin etmək üçün lazım olan bilik, bacarıq və davranışları əhatə edir.
Biznes kateqoriyasına 3 davranış səriştəliyi aiddir:
1. Biznes zəkası (Business acumen)– müəssisənin fəaliyyətini, funksiyalarını və xarici mühiti başa düşmək, HR təşəbbüslərinin və əməliyyatlarının şirkətin ümumi strateji istiqaməti ilə uyğun olması üçün biznes alətlərini tətbiq etmək və analizlər aparmaq üçün lazım olan bilik, bacarıq və davranışları əhatə edir.
2. Konsultasiya (Consultation) – Maraqlı tərəflərlə işləyərək biznes mühitini qiymətləndirmək,imkanları müəyyənləşdirmək, dəyişiklik təşəbbüslərini həyata keçirmək və dəyərləndirmək,müştərilərin və biznesin dəyişən ehtiyaclarını təmin edən davamlı dəstəyi həyata keçirmək üçün lazım olan bilik, bacarıq və davranışları əhatə edir.
3. Tənqidi yanaşma (Critical Evaluation) – Keyfiyyət və kəmiyyət əsaslı məlumatları toplamaq və təhlil etmək, HR təşəbbüslərini qiymətləndirən nəticələri şərh etmək, biznes qərarlarını və tövsiyyələrini məlumatlandırmaq üçün lazım olan bilik, bacarıq və davranışları əhatə edir.
Mənbə: SHRM, HR Competencies, Section 1
Hazırladı: Gülnarə Cəfərli
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
HR-AZ.com
