Aksiom sübuta ehtiyacı olmayan həqiqətdir. 1960-cı illərin sonlarında, Paul Uatzlavik və digər bir neçə alim fərdlərarası kommunikasiyanın (xüsusilə münasibətlərdə) necə pozulduğuna dair 5 aksiomdan ibarət nəzəriyyə ilə çıxış etdilər.
1. Kommunikasiya yaratmaya bilməzsiniz
Kişi evə gəlir, stol arxasında əyləşir və gözlərini boşluğa zilləyir. Həyat yoldaşı ona baxır və nə baş verdiyini soruşur. O heç nə olmadığını deyir - amma yenə də kommunikasiya yaranır. Həmin dəqiqə aydın olur ki, nəsə baş verib. Əgər heç nə deməsəniz belə, nəsə demiş olursunuz.
2. Bütün kommunikasiyaların münasibət və kontent tərəfləri var
Kontent tərəfi nə dediyimizdir. Münasibət tərəfi isə necə dediyimiz və həm də kimin dediyidir. (Schulz von Thun-nun Kommunikasiya modelinə baxın). Kimin dediyi və necə dediyi həmişə nəyin deyildiyindən daha vacib hesab edilir. Yad bir insan tərəfindən bizə deyilən xoşagəlməz söz bizə partnyorumuzun dediyi xoşagəlməz sözdən daha az təsir edir. Albert Mehrabianın 7%-38%-55% qaydasını yada salaq. Əgər kiməsə hisslərimiz haqqında danışırıqsa bunda sözlərimizin, səs tonumuzun, bədən dilmizin təsiri var: qarşımızdakı şəxsin bizi xoşlayıb xoşlamamasına sözlərimiz 7%, səs tonumuz 38%, bədən dilimizin isə 55% təsiri edir.
3. Kommunikasiya həmişə səbəb və nəticə ilə bağlıdır
Qadın əsəbidir çünki partnoyoru həmişə mızıldanır. Kişi mızıldanır çünki partnoyoru həmişə əsəbidir. Başqa sözlə desək: biz nadir hallarda özümüzlə mübahisə edirik - tango oynamaq üçün həmişə iki nəfər lazımdır.
4. İnsanlar kommunikasiyada analoqlardan və rəqəmsal üsullardan istifadə edirlər
Ualtzlavikin nəzəriyyəsində rəqəmsal-şifahi, analoq-qeyri-şifahi (gözlərini süzdürmək, özündən razı gülümsəmək, qeyri-müəyyən intonasiya) kimi kommunikasiya üsulları vardır. Bu o deməkdir ki, əgər iki şəxs bir-biri ilə əlaqəli deyilsə, deməli onlar fərqli istiqamətdədirlər.
5. Kommunikasiya ya simmetrik ya da tamamlayıcıdır
Partnyorlar arasındakı münasibət ya simmetrik (bərabər) ya da tamamlayıcı (qeyri-bərabər) olur. Simmetrik o deməkdir ki, biz eyni səviyyədə danışırıq (münasibətlərdə), tamamlayıcı isə ierarxiyanın olduğunu göstərir (müəllim və şagird). Əgər kommunikasiyanın simmetrik və ya tamamlayıcı olduğu barədə yekun məxrəcə gəlməsək, o artıq problematik olur.
Hər kəs səni eşidir. Dostların nə dediyinə qulaq asır. Ən yaxşı dostlarınsa nə demədiyinə qulaq asırlar.
Take aways:
* Paul Waltzlawick
* Schulz von Thun-nun Kommunikasiya modeli
* Albert Mehrabianın 7%-38%-55% qaydası
Müəllif: İlham Əsgərli
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
HR-AZ.com
