Əlbəttə müsahibəyə yollanarkən “Niyə işinizi dəyişmək qərarına gəldiniz?” sualını verməyəcəklərinə ümid etmək olar. Böyük ehtimalla sizin ümidləriniz özünü doğrultmayacaq - sizin motivasiyanıza, mürəkkəb vəziyyətdən layiqincə çıxa bilmək bacarığınıza işıq saldığına, iş etiket normalarını bilməyinizi və s. nümayiş etdirdiyinə görə bu məlumatı bilmək rekruterə həqiqətən vacibdir. Gördüyümüz kimi, söhbət İR-mütəxəsisin yersiz marağından deyil özünəməxsus test haqqında işaxtaranın adekvatlığından gedir.
Əlbəttə vakansiyaya namizədin əmək kitabçasında onun öz arzusu ilə işdən çıxdığı göstərilir. Axı onda işini dəyişmək arzusunu nə oyatdı. Ola bilər ki, o öz işinin öhdəsindən gələ bilməyib, rəhbərlik ona məcburən yeni iş axtarmasını məsləhət görüb. Ola da bilər ki, kolleqaları ilə yola getməyib və onu mədəni surətdə kənarlaşdırıblar. Əlbəttə bu informasiyanı rekruterdən gizlətməyə çalışır, o isə işdən çıxmasının səbəbləri haqda suallar verərək, onun reaksiyasından izləri necə ört basdır etməsini anlayır.
Təcrübə göstərir, nadir hal deyil ki, bu suala cavab verərkən işdən çıxmaları ildırım, şimşəklərlə və s. müşayət edilməyən namizədlər də həyəcanlanır, özünü itirir, rekruterdə şübhə oyadırlar.
Çıxış yolu: əvvəlcədən oz cavabını fikirləşmək.
“Niyə işdən çıxmaq qərarına gəldiniz?’’ sualına cavab necə səslənməli deyil.
“Bu ilan yuvasında işləyə bilmədim! Yalnız qeybət edənlər və tənbəllər!”
Öz kolleqalarından heç kimlə yola getməyən adamla işləmək hər bir kollektivdə çətin olacaq. Yəqin ki, o burda da iş haqqında fikirləşmək əvəzinə konflikt yaratmağa çalışacaq. Ona görə də əməkdaşlarla olan fikirayrılığınızı işdən çıxmağınıza səbəb kimi gətirməyin.
“Orda məvacib az idi. Belə qəpik quruşa görə bütün gun eşələnmək”.
Belə çıxır ki, işaxtarana harda işləməyin fərqi yoxdu, təki yaxşı ödəsinlər. Yəni yaxın gələcəkdə onun qarşısına daha sərfəli təklif çıxarsa, o öz öhdəliklərinə əl yelləyəcək və yenidən işdən çıxmaq ərizəsi yazacaq.
“Daima artıq işləmək lazım gəlirdi mən ki, dəmirdən deyiləm!”
Hətta əgər potensial rəhbər işaxtaranın əməyindən işdənkənar vaxtı istifadə etmək istəməsə də, bu sözlər onu tutacaq, belə əməkdaşdan loyallıq gözləmək olmaz. Sonra isə o işçi pisdir hansı ki, işdən qorxur.
"Krizis olduğuna görə məni işdən çıxardılar".
Başqa məsələdir ki, əgər şirkətdə əməkdaşların kütləvi ixtisarı olub və bizim işaxtaranın tutduğu vəzifə ixtisara düşüb. Tamamilə başqa məsələdir ki, təkcə onu təxirə salıblar, ən zəif həlqdən canlarını qurtarıblar. Ona görə özünün bütün problemlərinə krizislə bəraət qazandırmağına dəyməz. Şirkətdən çıxmağınızın professional inkişaf etmək istəyinizlə bağlı olduğunu demək kifayətdir. Əvvəlki iş yerinizdə bu mümkün deyildi (sizin iddia etdiyiniz bütün vəzifələr tutulmuşdu). Ailə vəziyyətinə də istinad etmək olar (məsələn uşağın doğulması və bunun nəticəsində iş qrafikini dəyişmək məcburiyyətinin yaranması və s.).
“Müdir axmağın biri idi, beləsi ilə necə işləyəsən? Ona görə də öz arzumla işdən çıxdım”
Keçmiş rəhbərin haqqında ya yaxşı deməlisən, ya da susmalısan. Professional etikanı hələ heç kim ləğv etməyib. Bundan əlavə rəhbərliyin gözünün içinə nalayiq danışan adam ikrah hissi doğurur, yaddaşda filə hürən Moska haqqında təmsildəki sətirlər canlanır.
Bundan əlavə əgər işdən çıxma hay-küylü keçibsə və rekruter bu haqda asanlıqla öyrənə bilərsə, rəhbərliyin ünvanına neqativ fikir söyləməkdən qaçmaq üçün etiraf etmək lazımdır ki, adətən insanlarla pis yola getmirsiniz, bu dəfə isə sizdə alınmadı. Amma bu həyəcan sizə yaxşı dərs ola bilər, sizin dəyərlər şkalanızı korrektə edə bilər və indi siz emosiyalarınızın yüksəlməsinə yol verməzsiniz. Bəzən yəqin belə sınaqdan keçmək lazımdır kı,”profesionalizm” sözünün mənasını başa düşəsiniz.
Başlıcası çalışın sizin hekayə lakonik və inandırıcı olsun.
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
Gojob.az
