Məşhur Gallup araşdırmasına görə dünyada 85% insan öz işinə nifrət edir. Bunun səbəbləri ölkəyə və sahəyə görə fərqlənsə də, əsas səbəblərindən birini sizinlə paylaşıram: Dəyərlərin toqquşması.
Bir işə və şirkətə müraciət etmədən öncə özünüzə sual verin: Bu iş mənim dəyərlərimlə nə qədər üst-üstə düşür? Bu şirkət nə qədər mənim üçün önəmli olan dəyərlərlə işləyir? Çox vaxt müsahibələrdən keçməməyin səbəbi, elə məhz bu suallara öncədən cavab vermiş olmamağınızdır. Müsahibəyə gələndə işin sizin üçün əhəmiyyətini ifadə edə bilmirsiniz. İşsizliyin trend olduğu bir dönəmdə, deyə bilərsiniz ki, hamıya pul lazımdır. Ancaq pul dəyər deyil. Sizdə olan dəyəri ortaya çıxarmaq üçün bir vasitədir.
Məsələn, pula olan ehtiyacın altında yatan dəyər təhlükəsizlikdir. Elə olur ki, müsahibədəki şəxs, “mənim üçün pul vacib deyil, əsas odur ki, nəsə öyrənim” deyir. Bu şəxsin iş yerində axtardığı dəyər sizcə nədir? Öyrənmək. Onun altındakı dəyər nədir? Məsələn, zövq almaq. Lap da aşağı ensək və soruşsaq ki, zövq almaq sənə nə verir? Məsələn, deyəcək ki, “xoşbəxtlik”.
Bax beləcə, bizə hər gün motivasiya verən dəyərlərimizi axtarıb, tapmalıyıq. Təkcə iş üçün yox, elə lap həyatımız üçün də.
Müəllif:
Leyla Surxayzadə
HR-AZ.com portalının paylaşımlarından xəbərdar olmaq üçün rəsmi
Linkedin və
Telegram səhifələrimizi izləyə bilərsiniz.
Mənbə:
Moneta.az
